UPDATE:- MWENYEKITI WA CHAMA CHA MPIRA WA MIGUU MKOA WA KAGERA " JAMAL MALINZI " ACHAGULIWA KUWA RAISI MPYA WA TFF..

 

Jamal Malinzi

Mwenyekiti wa Chama cha Mpira wa Miguu Mkoa wa Kagera, Jamal Malinzi amechaguliwa kuwa Rais Mpya wa shirikisho la soka nchini, TFF

Malinzi ameshinda uchaguzi huo wa leo uliokuwa ukifanyika kwenye ukumbi wa Mikutano wa NSSF, Water Front jijini Dar es Salaam kwa kupata asilimia 78 ya kura na kumbwaga mpinzani wake Athuman Nyamlani. Malinzi atachukua nafasi ya Leodegar Tenga aliyekuwa Rais wa TFF tangu mwaka 2005.

Taarifa za kuchaguliwa kwa Malinzi kuwa rais mpyabwa TFF, zimepokelewa kwa furaha na binti yake, mtangazaji wa Clouds FM, Loveness aka Diva aliyetweet:

Kati ya 1999 na 2005, Malinzi alishika nyadhifa mbalimbali Yanga zikiwemo seneta, mkurugenzi wa kuchaguliwa, kaimu katibu mtendaji na katibu mkuu. Amekuwa mwenyekiti wa mashindano ya mpira wa miguu mkoa wa Pwani (2009 – 2011) na mjumbe wa Baraza la Michezo la Mkoa wa Dar es Salaam (2009-2012). 

Toka 2011 hadi sasa ni mjumbe kwenye Kamati ya Utendaji ya Chama cha Mpira wa Miguu wilaya ya Misenyi, pia mjumbe wa Mkutano Mkuu wa Chama cha Mpira wa Miguu mkoa wa Kagera.